Pro Evolution Soccer 2010

Играта ќе биде подржана речиси на сите можни платформи PS3, Xbox 360, PC, PSP, PS2 како и мобилни телефони и се очекува да биде пуштена во продажба оваа есен.

PES Productions и Tokyo-based development team ја најавуваат најреалната фудбалска симулација до сега. Играта ја развиваат врз база на претходен фидбек и коментари од претходните ПЕС серии и се настојува да се имплементираат голем дел од идеите кои играчите ги понудиле. ПЕС 2010 ќе биде визуелно далеку подобрена од претходните серии со многу подобар гејмплеј.

Накратко објаснување на подобрувањата:

• Gameplay: ПЕС 2010 ќе се фокусира на подобра зонска одбрана која ќе покрива голем дел од теренот, па напаѓачите ќе мораат констатно да бараат нови начини да нападнат. Главната цел е да се креира реална фудбалска симулација која ќе бара од играчот да биде добар стратег и да поседува брзи реакции како во реалноста. Исто така голманите ќе бидат подобрени околу нивните способности и рефлекси. Судиите исто така се подобрени, со попаметни AI елементи дозволувајќи да донесуваат побалансирани одлуки за време на мечот.

• Improved Visuals: Најавен е голем реновациски потег околу визуелниот изглед, со сите оние анимации и гестикулации кои ги поседуваат фудбалерите во реалниот фудбал – вклучувајќи индивидуално изразување на фудбалерите прикажано во посебно светло, зависно од ситуацијата. Деталите на стадионите ќе бидат далеку подобрени, особено тревата.

• All-new Animations and Moves: Анимациите сега ќе доминираат, со интересни реални дриблинзи како и голови изработени со дриблирачки анимации. Повеќе индивидуални способности ќе бидат прикажани, вклучувајќи нови трикови кои ќе имаат клучен дел во тоа како ќе се одвива натпреварот. Неколку елементи се комплетно преобработени, со дриблинг, свртување и шутирање – сето тоа поддржано со анимација што допринесува за поголема возбуда во текот на мечот. Исто така има голема промена во додавањето на топката, со разлика во пасот кога играчот ќе се наоѓа стоечка позиција од онаа во која трча.

• Enhanced Master League: Мастер Лигата е целосно обновена со подобрувања од менаџерски аспект, кој овозможува корисниците да уживаат во менаџирањето на тимот со подолг век на кариерата.

• AI: Токио тимот работи на подобрување на AI во играта со вклучен Teamvision 2.0 Играчите од средниот ред и одбранбените играчи сега ќе соработуваат повеќе со цел да го покријат празниот простор и да ги спречат нападите, што ќе биде од големо значење за оние тимови кои имаат послаби играчи во одбранбениот дел. Ова ќе влијае на оној пропуст во претходните серии, кога многу чест беше начинот на примање на “лесни” голови. Во поглед на напаѓањето, корисниците сега ќе можат да движат повеќе играчи истовремено, распространувајќи ги на различен дел од теренот отворајќи повеќе можности за постигнување гол. Сето ова ќе бара од корисникот да размислува стратегиски и исто така ќе бара да се има целосна контрола на тимот. Сценаријата на слободните удари се подобрени така што сега корисникот ќе може да ги контролира и играчите кои се наоѓаат позади одрбанбениот ѕид.

• Individual Play Characteristics: Во претходните ПЕС серии, формацијата на тимот ги одредуваше движењата на играчите. ПЕС 2010 претставува нов систем каде што индивидуалните напаѓања и одбранбената природа на играчите ќе бидат од витално значење за начинот на играта. Секој играч се одликува со уникатна AI врзана за неговите способности и е рефлектирана во акциите на неговиот тим – т.е. ако играч (на пример К.Роналдо) за кој се знае дека е добар нафрлувач на топката и се наоѓа во таква позиција, тогаш повеќе играчи автоматски ќе ја очекуваат топката во шеснаесетникот во споредба со играч од друга позиција (на пример Ласана Диара).

• Match-Day Atmosphere: Реакциите на навивачите на теренот сега многу повеќе ќе варираат, со нови навивачки презентации и емоции. Исто така ќе има голема разлика помеѓу домашната и гостинската публика при што се разбира секогаш ќе доминираат домашните навивачи. Ќе прават голем притисок кога ќе има прекршок во близина на шеснаесетникот, пенали и постигнати голови.

• Penalties: Целосен нов систем е имплементиран кој нуди поголема контрола и способност за изведување на пеналот.

• Exclusive Europa League License: Конами ги подобри односите со УЕФА и ги обезбеди сите права за Europa League Licence (порано познат како UEFA Cup). Како дополнение, Конами ќе работи на развојот на UEFA Champions League со цел да го подобри најдоброто клубско натпреварување во светот.(http://www.it.com.mk)fiasco.